ಚೆನ್ನೈನ ಮರೀನಾ ಬೀಚ್ ಪ್ರದೇಶದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಎಂ ಕೆ ಸ್ಟಾಲಿನ್ ಉಚಿತ ಕುಡಿಯುವ ನೀರು ಒದಗಿಸುವ ಸ್ವಯಂಚಾಲಿತ ಯಂತ್ರಗಳ ಬಳಕೆಯ ಎ ಟಿ ಎಂ ವನ್ನು ಉದ್ಘಾಟಿಸಿದರು.
ಚೆನ್ನೈ ಕುಡಿಯುವ ನೀರಿನ ಮಂಡಳಿಯು ಜನರು ಹೆಚ್ಚು ಸೇರುವ 50 ಸ್ಥಳಗಳಲ್ಲಿ ಕುಡಿಯುವ ನೀರಿನ ಎಟಿಎಂಗಳನ್ನು ಸ್ಥಾಪಿಸಲಿದೆ.ಇವುಗಳಲ್ಲಿ, ಒಂದು ಸಮಯದಲ್ಲಿ ಒಂದು ಟಂಬ್ಲರ್ನಲ್ಲಿ 150 ಮಿಲಿ ನೀರನ್ನು ಪಡೆಯಬಹುದು. ನೀರಿನ ಬಾಟಲಿಗಳಲ್ಲಿ 1 ಲೀಟರ್ ವರೆಗೆ ನೀರನ್ನು ಪಡೆಯಬಹುದು ಎಂದು ವರದಿಯಾಗಿದೆ.
ಇದರ ಮೂಲಕ ಜನರು ಶುದ್ಧ ಕುಡಿಯುವ ನೀರನ್ನು ಉಚಿತವಾಗಿ ಪಡೆಯಲು ಸಾಧ್ಯವಾಗುತ್ತದೆ. ಈ ಎಟಿಎಂಗಳನ್ನು ಕಡಲತೀರಗಳು, ಬಸ್ ನಿಲ್ದಾಣಗಳು, ಉದ್ಯಾನವನಗಳು, ಶಾಲೆಗಳು, ಕಾಲೇಜು ಪ್ರದೇಶಗಳು, ಮಾರುಕಟ್ಟೆಗಳು ಮುಂತಾದ ಸ್ಥಳಗಳಲ್ಲಿ ಸ್ಥಾಪಿಸಲಾಗಿದೆ.
