ಏಕಸ್ ಲಿಮಿಟೆಡ್ ನ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಬುಧವಾರ ಆರಂಭ

ಪ್ರತಿ   ಷೇರಿಗೆ ₹ 118 ರಿಂದ ₹ 124 ಕ್ಕೆ ಬೆಲೆ ಪಟ್ಟಿ  ನಿಗದಿ

ಬೆಂಗಳೂರು : ಏಕಸ್ ಲಿಮಿಟೆಡ್ (ಕಂಪನಿ),  ಪ್ರಾಥಮಿಕ ಮಾರುಕಟ್ಟೆಯಿಂದ ಬಂಡವಾಳ ಸಂಗ್ರಹಿಸುವ ಉದ್ದೇಶಕ್ಕೆ ಸಾರ್ವಜನಿಕರಿಗೆ ಷೇರುಗಳನ್ನು ವಿತರಣೆಗೆ ಡಿ.3 ರ  ಬುಧವಾರ ಚಾಲನೆ ದೊರೆಯಲಿದೆ. ಈ  ಆರಂಭಿಕ ಸಾರ್ವಜನಿಕ ಕೊಡುಗೆಯ  (ಐಪಿಒ) ಬೆಲೆ ಪಟ್ಟಿಯನ್ನು ಪ್ರತಿ ಷೇರಿಗೆ ₹ 118 ರಿಂದ ₹ 124 ರಂತೆ ನಿಗದಿಪಡಿಸಲಾಗಿದೆ.

ಕನಿಷ್ಠ 120 ಈಕ್ವಿಟಿ ಷೇರುಗಳಿಗೆ ಮತ್ತು ನಂತರ 120 ಈಕ್ವಿಟಿ ಷೇರುಗಳ ಗುಣಕಗಳಲ್ಲಿ ಬಿಡ್  ಸಲ್ಲಿಸಬಹುದು. ₹ 10 ಮುಖಬೆಲೆಯ ಪ್ರತಿ ಷೇರಿನ ಆರಂಭಿಕ ಸಾರ್ವಜನಿಕ ಕೊಡುಗೆಯು ₹ 6,700 ದಶಲಕ್ಷ(₹ 670 ಕೋಟಿ)ವರೆಗಿನ   ಷೇರುಗಳ ಹೊಸ ನೀಡಿಕೆ ಮತ್ತು ತಲಾ ₹ 10 ಮುಖಬೆಲೆಯ 2,03,07,393 ಈಕ್ವಿಟಿ ಷೇರುಗಳ ಮಾರಾಟ ಕೊಡುಗೆ ಒಳಗೊಂಡಿದೆ.

ಷೇರು ನಿಯಂತ್ರಣ ಮಂಡಳಿಗೆ (ಸೆಬಿ) ಸಲ್ಲಿಸಲಾಗಿರುವ ಐಪಿಒ ಕರಡು ಪ್ರಸ್ತಾವದ ಮೂಲಕ ಸಾರ್ವಜನಿಕ ವಿತರಣೆ ಮಾಡಲಾಗುವ  ಷೇರುಗಳನ್ನು ಮುಂಬೈ ಷೇರುಪೇಟೆ (ಬಿಎಸ್ಇ) ಮತ್ತು ರಾಷ್ಟ್ರೀಯ ಷೇರುಪೇಟೆಯಲ್ಲಿ  (ಎನ್ಎಸ್ಇ) ವಹಿವಾಟು ನಡೆಸಲು ಉದ್ದೇಶಿಸಲಾಗಿದೆ. ಈ ಕೊಡುಗೆಯ ಉದ್ದೇಶದಡಿ, ʼಎನ್ಎಸ್ಇʼ ಗೊತ್ತುಪಡಿಸಿದ ಷೇರುಪೇಟೆಯಾಗಿದೆ.

ಜೆಎಂ ಫೈನಾನ್ಶಿಯಲ್ ಲಿಮಿಟೆಡ್, ಐಐಎಫ್ಎಲ್ ಕ್ಯಾಪಿಟಲ್ ಸರ್ವೀಸಸ್ ಲಿಮಿಟೆಡ್ ಮತ್ತು ಕೋಟಕ್ ಮಹೀಂದ್ರಾ ಕ್ಯಾಪಿಟಲ್ ಕಂಪನಿ ಲಿಮಿಟೆಡ್ ಈ ಕೊಡುಗೆ  (ಬಿಆರ್ಎಲ್ಎಂ)   ನಿರ್ವಹಿಸುವ ಹಣಕಾಸು ಸಂಸ್ಥೆಗಳಾಗಿವೆ.