ಅಕ್ಕೋ ಡ್ರೈವ್ ಬೆಂಗಳೂರಿಗೆ ವಿಶ್ವವಿಖ್ಯಾತ ಟೆಸ್ಲಾ ಕಾರುಗಳನ್ನು ಪರಿಚಯಿಸುತ್ತಿದ್ದು, ಜನವರಿ 15ರಿಂದ ಕೂಡ್ಲು ಗೇಟ್ನಲ್ಲಿರುವ ಅಕ್ಕೋ ಡ್ರೈವ್ ಸರ್ವಿಸ್ ಸೆಂಟರ್ ಬೆಂಗಳೂರಿನ ಏಕೈಕ ಅಧಿಕೃತ ಟೆಸ್ಲಾ ಅನುಭವ ಕೇಂದ್ರವಾಗಿ ಕಾರ್ಯನಿರ್ವಹಿಸಲಿದೆ.
ಈ ಪ್ರದರ್ಶನವು ಭಾರತದಲ್ಲಿ ಕಾರು ಖರೀದಿ ಪ್ರಕ್ರಿಯೆಯನ್ನು ಮರುವ್ಯಾಖ್ಯಾನಿಸುತ್ತಿರುವ ಅಕ್ಕೋ ಡ್ರೈವ್ಗೆ ಮಹತ್ವದ ಮೈಲಿಗಲ್ಲಾಗಿದೆ. ಸಂಪೂರ್ಣ ಡಿಜಿಟಲ್, ಪಾರದರ್ಶಕ ಹಾಗೂ ಗ್ರಾಹಕ-ಕೇಂದ್ರೀಕೃತ ವೇದಿಕೆಯಾಗಿರುವ ಅಕ್ಕೋ ಡ್ರೈವ್, ಅತ್ಯುತ್ತಮ ಬೆಲೆ, ಭರವಸೆ, ಮನೆಬಾಗಿಲಿಗೆ ವಿತರಣೆಯೊಂದಿಗೆ ಒತ್ತಡರಹಿತ ಕಾರು ಖರೀದಿ ಅನುಭವವನ್ನು ಒದಗಿಸುತ್ತಿದೆ. ಟೆಸ್ಲಾ ಸಂಸ್ಥೆಗೆ ಭಾರತದಲ್ಲಿ ಅಕ್ಕೋ ಅಧಿಕೃತ ಇನ್ಶೂರೆನ್ಸ್ ಪಾಲುದಾರನಾಗಿರುವುದು ಮತ್ತೊಂದು ಪ್ರಮುಖ ಅಂಶವಾಗಿದೆ.
ಅಕ್ಕೋ ಸಂಸ್ಥೆಯ ಕಾರ್ಯಕಾರಿ ಉಪಾಧ್ಯಕ್ಷ ಆಶಿಶ್ ಮಿಶ್ರಾ ಮಾತನಾಡಿ, “ಭವಿಷ್ಯದ ತಂತ್ರಜ್ಞಾನವನ್ನು ಮೊದಲಿಗೆ ಅಪ್ಪಿಕೊಳ್ಳುವ ನಗರ ಬೆಂಗಳೂರು. ಟೆಸ್ಲಾವನ್ನು ಅಕ್ಕೋ ಡ್ರೈವ್ಗೆ ತರುವ ಮೂಲಕ, ಜಾಗತಿಕ ಮಟ್ಟದ ಇವಿ ತಂತ್ರಜ್ಞಾನವನ್ನು ಭಾರತೀಯ ಗ್ರಾಹಕರಿಗೆ ಇನ್ನಷ್ಟು ಹತ್ತಿರ ತರುತ್ತಿದ್ದೇವೆ,” ಎಂದು ಹೇಳಿದರು.
ಈ ಟೆಸ್ಲಾ ಅನುಭವ ಕೇಂದ್ರದಲ್ಲಿ ಗ್ರಾಹಕರು ಟೆಸ್ಲಾ ಮಾಡೆಲ್ “ವೈ” ಅನ್ನು ಹತ್ತಿರದಿಂದ ವೀಕ್ಷಿಸಬಹುದು. 2023 ಮತ್ತು 2024ರಲ್ಲಿ ವಿಶ್ವದ ಅತಿ ಹೆಚ್ಚು ಮಾರಾಟವಾದ ವಾಹನವಾಗಿರುವ ಮಾಡೆಲ್ ವೈ, 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಮತ್ತು ಅತ್ಯಾಧುನಿಕ ಇವಿ ತಂತ್ರಜ್ಞಾನಕ್ಕೆ ಹೆಸರಾಗಿದೆ. ಆಸಕ್ತರು ಟೆಸ್ಲಾ ಇಂಡಿಯಾ ವೆಬ್ಸೈಟ್ ಮೂಲಕ ಟೆಸ್ಟ್ ಡ್ರೈವ್ ಬುಕ್ ಮಾಡಿಕೊಳ್ಳಬಹುದು. ಜನವರಿ 15ರಿಂದ 31ರವರೆಗೆ ನಡೆಯುವ ಈ ಪ್ರದರ್ಶನವು , ಅಕ್ಕೋ ಡ್ರೈವ್ ಅನ್ನು ಸಮಗ್ರ ಆಟೋಮೊಬೈಲ್ ಪರಿಹಾರ ವೇದಿಕೆಯಾಗಿ ಮತ್ತೊಮ್ಮೆ ಸ್ಥಾಪಿಸುತ್ತದೆ.
- ಸ್ಥಳ : ಅಕ್ಕೋ ಡ್ರೈವ್ ಸರ್ವಿಸ್ ಸೆಂಟರ್, ಕೂಡ್ಲು ಗೇಟ್, ಬೆಂಗಳೂರು.
- ದಿನಾಂಕ : ಜನವರಿ 15 ರಿಂದ 31, 2026.
- ವಿಶೇಷತೆ : ಮಾಡೆಲ್ ವೈ ಪ್ರದರ್ಶನ, ತಜ್ಞರಿಂದ ತಾಂತ್ರಿಕ ಮಾಹಿತಿ ಮತ್ತು ಆಧುನಿಕ ಇವಿ ಜೀವನಶೈಲಿಯ ಪರಿಚಯ.
