ಭುವನೇಶ್ವರ : ಇಲ್ಲಿನ ಕಳಿಂಗ ಇನ್ಸ್‌ಟಿಟ್ಯೂಟ್‌ ಆಫ್ ಇಂಡಸ್ಟ್ರಿಯಲ್‌ ಟೆಕ್ನಾಲಜಿ (ಕೆಐಐಟಿ) ಮತ್ತು ಕಳಿಂಗ ಇನ್ಸ್‌ಟಿಟ್ಯೂಟ್‌ ಆಫ್ ಸೋಶಿಯಲ್‌ ಸೈನ್ಸಸ್‌ (ಕಿಸ್‌) ಸಂಸ್ಥಾಪಕರಾದ ಡಾ. ಅಚ್ಯುತ ಸಮಂತ ಅವರು ರೊಮಾನಿಯಾದ ನಗರಗಳಾದ ಮಿಲಿಸೌಟ್ಸಿ) ಮತ್ತು ಬಾರ್ಲಾಡ್ ನಿಂದ ಎರಡು ವಿಶೇಷ ಗೌರವಗಳಿಗೆ ಪಾತ್ರರಾಗಿದ್ದಾರೆ.
ಮಿಲಿಸೌಟ್ಸಿ ನಗರದ 'ಗೌರವ ಪೌರತ್ವ' ಹಾಗೂ ಬಾರ್ಲಾಡ್ ನಗರದ ಮುನ್ಸಿಪಾಲಿಟಿಯು 'ಕೀ ಟು ದಿ ಸಿಟಿ ಆಫ್ ಬಾರ್ಲಾಡ್' (ಬಾರ್ಲಾಡ್ ನಗರದ ಕೀಲಿ) ಎಂಬ ಪ್ರತಿಷ್ಠಿತ ಗೌರವವನ್ನು ನೀಡಿ ಗೌರವಿಸಲಾಗಿದೆ.
ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಡಾ. ಸಮಂತ ಅವರು, ಶಿಕ್ಷಣ, ಮಾನವೀಯತೆ ಮತ್ತು ಸಮಾಜಕ್ಕೆ ನಾನು ಸಲ್ಲಿಸಿದ ಜೀವಮಾನದ ಸೇವೆಯನ್ನು ಗುರುತಿಸಿ ಈ ಗೌರವಗಳನ್ನು ನೀಡಲಾಗಿದೆ. ನಾನು ಇವುಗಳನ್ನು ಅತ್ಯಂತ ವಿನಮ್ರತೆಯಿಂದ ಸ್ವೀಕರಿಸುತ್ತೇನೆ ಎಂದರು.
ಬಾರ್ಲಾಡ್ ನಗರದ ಬಾಗಿಲುಗಳು ನನಗಾಗಿ ಯಾವಾಗಲೂ ತೆರೆದಿರುತ್ತವೆ ಎಂಬುದು ಅತ್ಯಂತ ಖುಷಿ ಮತ್ತು ಗೌರವವ ವಿಷಯ. ಕೌನ್ಸಿಲ್ ಸದಸ್ಯರು ಮತ್ತು ಅನೇಕ ಗಣ್ಯರ ಸಮ್ಮುಖದಲ್ಲಿ ಮೇಯರ್‌ಗಳಿಂದ ಈ ಗೌರವಗಳನ್ನು ಸ್ವೀಕರಿಸಿದ್ದು ವಿಶೇಷ ಕ್ಷಣ ಎಂದು ಅಭಿಪ್ರಾಯಪಟ್ಟರು.
ಮಿಲಿಸೌಟ್ಸಿ ಮತ್ತು ಬಾರ್ಲಾಡ್ ಪುರಸಭೆಗಳ ಮೇಯರ್‌ಗಳು ಹಾಗೂ ಎಲ್ಲಾ ಕೌನ್ಸಿಲ್ ಸದಸ್ಯರು ತೋರಿದ ಆತ್ಮೀಯತೆ, ವಾತ್ಸಲ್ಯ ಮತ್ತು ಗೌರವಕ್ಕಾಗಿ ಅವರಿಗೆ ನನ್ನ ಧನ್ಯವಾದಗಳು ಎಂದು ಹೇಳಿದರು.
ರೊಮೇನಿಯಾದ ಜನರು ನನಗೆ ನೀಡಿದ ಪ್ರೀತಿ ಮತ್ತು ಗೌರವವನ್ನು ನಾನು ಸದಾ ಸ್ಮರಿಸುತ್ತೇನೆ. ಈ ಎರಡೂ ಗೌರವ ಸ್ವೀಕಾರದ ವೇಳೆ ಹಾಜರಿದ್ದ ರೊಮೇನಿಯಾದಲ್ಲಿನ ಭಾರತದ ರಾಯಭಾರಿಗಳಿಗೆ ಕೃತಜ್ಞತೆಗಳು.
ಡಾ. ಅಚ್ಯುತ ಸಮಂತ
